Ale Immanuel tatap

1.Ale Immanuel, tatap ma hami, na tinobusmu, na pinaluaM;Na sinosahan ni musu do hami. Ala tongtong nioloan hataM.Gasa disuan mangalo Anakmu Jala na jahat do, ninna na burju

2.Nunga nania na burju najolo na marna loja na modom nuaeng;Ai diparbaga rohana, ndang olo talu nasida, hape sai dibaenMusu bisukna manjail nang nasida, jadi burjuna adang be na tarida.

3.Lam tu ngalina do holong ni roha, lam tu hijangna do naposo i;Mansai torop do na lao tu na roa na lilianan dibaen setan i,Marsak do roha ni nasa na burju mida na lusam na di huriaMu.

4.Ipe, o Jesus sai tatap ma hami jala sungguli ma dongan sude;Unang ma modom di dosa be hami, burju marroha baen hami muse.Asa tarsunggul sude huriaMu jala rap hehe pasauthon hataMu.

5.Tatap o Jesus, sudo di balian angka parbegu, na lilu dope,Angka na hundul di na nilinggoman ni hmatean, sai jou ma sude,Asa malua nang i musengani, dalan tu surgo muse didalani.

6.Sai harnonangkon sude hajolmaon, taiti sandok manisia tu Ho;Asa diboan sude hasangapon dohot pelean na hushus di Ho,Jala dipuji sude manisia, Ho, ale Tuhan, na tong marmulia.