Nda tama endehononku

1.Nda tama endehononku Goar ni Debatangki?Nda tama halashononku Denggan ni basaNa i?Ai sun holongni rohaNa mida au, pardosa on:Diramoti do tongtong naposoNa saluhutna,Holong ni rohaNa i, nda tung hasuhatan i.

2.Songon pidong rajauali manjagai anakna i,Songon i do dipabali Debatangku jea i,Sian au niramotanNa, olat ni na tubu auSai diiringiring au masuk tu harajaonNa.Holong ni rohaNa i nda tung hasuhatan i.

3.Nang AnakNa sasadasa diseahon Debata.Pangoluhon au pardosa, uju i di Golgota.Mago au dibaen dosangku jadi ro AnakNa i,Manggarari utangki lao mambaen haluaonku,Holong ni rohaNa i nda tung hasuhatan i.

4.Dohot Tondi Parbadia do disuru Amangki.Asa dohot au badia jala tau tu surgo i,Naeng gohaNa do rohangku asal sai tongtong torang,Sai gok dame nang sonang mandalani dalananku.Holong ni rohaNa i nda tung hasuhatan i.

5.Dohot haporseanku dilopokkon Tuhanki,Tu bagasan ni rohangku patiurhon dalanki,Asa sahat musengani au tu hangoluan iNa rade di surgo i, Di sude na manjalahiHolong ni rohaNa i nda tung hasuhatan i

6.Songon i do panarihon ni Debatangki di au;Tuhanki do sumarihon nasa na ringkot di au.Tondi dohot pamatangku dipangolu Tuhanki.Na marasi roha i diramoti di hosangku.Holong ni rohaNa i nda tung hasuhatan i.

7.Molo masa pangunjunan dipasonggop setan i.Debata do pngondingan di au on anakNa i;Ai didokkon Debatangku surusuruanNa i,Manamparhon jea i asa dao hama goanku.Holong ni rohaNa i nda tung hasuhatan i.

8.Ganup ari do disesa Debatangku dosangki;Ndang hea gotos rohaNa maniopi rimas i.Nang pe ingkon pinsangonNa au dibahen dosangki,Ndang maposihu disi uhum n nidabuhonNa,Holong ni rohaNa i nda tung hasuhatan i.

9.Ala na so hasuhatan holong ni rohaM, Amang!Tatap ma au on pasidung nasa sangkap ni rohaMDi naposoMon, Tuhanku! Pargogoi ma au tongtongMangoloi di tano on nasa na pinatikkonMu,Paima Ho pujionki salelenglelengna i.