Holan sada do na ringkot

1.Holan sada do na ringkot, Jesus lehon i di au!Manang ahu pe na dapot, ndang tuk pasonangkon au.Nang arta, nang sangap, sude hamoraon,Ndang tau mangalehon di au hasonangan.Alai molo dapot na sasada i,Tongtong las rohangku hihorhon ni i.

2.Molo naeng di Ho, tondingku, arta na sasada i.Ndang tarbahen luluanMu, anggo so di ginjang i.Disi, di siamun ni Tuhan JahowaDo hundul AnakNa na dung gabe jolma.Ibana do jambar na sun denggan i.Antong, o tondingku, jalahi ma i.

3.Suang songon si Maria tumangihon hataMi,Naeng, o Jesus na badia, hundul au di lambungMi.Antong, ale Tuhan, pasada rohangku,Palua ma au sian nasa dosangku.Sai Ho ma, o Jesus nampuna au on.Sai Ho ma manggohi rohangku tongtong!