Tu jolo ni Tuhanku.

1.Mardalan au saonari tu hasonangan i;Jumonok ganup ari lam jumpang tingki i,Sian na dao huida hatiuronna i;Sai sonang do nasida, naung tolhas ro disi.

2.Godang do halilian di tongan dalan i;Hatop do au mardalan tu hasonangan i;Godang do hasusaan, nahumaliang au;Hubolus parmaraan, marningot Jesus au,

3.Didadang las ni ari, ditinggang udan au;Jotjot huhabiari na manggopgopi au;Matangku sai manatap tus sitioponki;Adian do husangkap, rade di surgo i.

4.Las situtu rohangku, nang lantap alongki,Sai Jesus do doangnku, ai i haposanki.Ibana na manogu arian, borngin pe;Pos situtu rohangku, sai sahat au muse.

5.Hugolom di rohangku, hau pinarsilang i;Laos i do haposanku, parsigantunganki,Ai nungan saut ditobus Tuhanku tondingki,Ibana do patulus, pasahat langkangki,

6.Pos situtu rohangku manulus dalan i;Tung suda pe bohalhu, sai sahat au tusi;Tung loha ganup ari di pardagangan on.Alai satongkin nari sai sonang au tongtong.