Beha ma panjalongku

1.Beha ma panjalongku di Ho, o Tuhanki?Beha ma panomungku di Ho, o Rajangki?Sondangi ma rohangku na holom, na bodo,Ai naeng patupaonku las ni rohaM di Ho.

2.Pangisi ni SionMu do mangolophon Ho,Laos sungon i rohangku lao madapothon HoNa ringgas do rohangku mamuji goarMi,Na daulat do sangkaphu patulus rohaMi.

3.Ai ndang adong na hurang na pinatupaMon.Mambaen tu au sumuang, dame ni rohangkonAi di na marsak abu binaen ni dosa i.Ro Ho, ale Pangolu, mandaoni sahiti.

4.Tung aha ma alana umbaen ringkot rohamTumopot manisia, nda holong ni rohaM?Nda asi ni rohaMu di na tarsosak i?Ai naeng pangoluonMu sude naung mago i.

5.Di na tarihot ahu, ro Ho mananggal au;Di na tarhurung ahu, Ho paluahon au,Ho do na pasangaphon na lea on hian;Ho do na parmorahon na pogos on hian.

6.Hamu, na holso roha binaen ni dosa i,Tangihon boaboa bu sian surgo i;Naung ro do Sipalua disuru Ama i,Pasonang rohamuna mamboan dame i,

7.Ndang be habiaranmu sude pangago i,Ai nunga ro Rajamu mangalo sasude.Maporus do luhutna dibaen Rajanta i;Rendep do sasudena di adopanNa i.

8.Ro do ibana sogot di ari uhum i;Ingkon disi tarsonggot parbadosa na tois i.Alai na holong roha, marlas ni roha do,Disi ma dohononna: Pinuji Ho na ro!