Molo masinondang

1.Molo marsinondang bintang angka na di langit i,Sai malungun do rohangku, naeng hatop tu surgo i,aut marhabong habong ahu naeng tu Damang i au lao,tu hutangku na di ginjang tu na dao, na mansai dao.

2.Tong dagingku mangingani rura hasusaan on,Tondingki do maradian, tung na sonang rohangkon.Dibaen i huhalungunhon huta na di ginjang i,Taenonku hasonangan na so dung niida i.

3.O hamu sude na marsak na di atas tano on,Nang na pogos, na hansitan, tatap ma sambulomon.Boi malua ho, na loja, dohot sian dagingmon.Asal Jesus ma jambarmu disadui nang dison.