Naung moru do muse sataon

1.Naung moru do muse sataon, huhut lam suda bohalhi;Beha do ahu nasailaon. ture do pangalahongki?Lam ganda haporseaonku, Nang holong ni rohangku pedi Jesus dohot Debatangku, Nang di donganku sasude?

2.Aut alusanku Debatangku, ra tung maila au disi,Marningot salpu ni rohangku ro di sude ulaonki.Ai dosa do binaen ni tangan, gok dosa nang rohangku pe;Nang pat, nang mata, nang pamangan luhut marsala do hape.

3.Aut nunga mate au nuaning, di dia tondingki tahe?Di hasonangan do ulaning rap dohot na badia i?Mamuji Debata do ahu dibaen asi rohaNai,Manang na hona uhum ahu, di api na so mintop i?

4.Ndang dapot bilanganku dosa naung huulahon pasailaon,Huhut ndang harajuman basa ni Tuhan Jesus nasailaon.Ndang dibaloshon Ho, Tuhanku; tu au hombar tu dosangki;Sai dipalambas Ho rohamu marnida pangalahongki.

5.Dibahen i antong hupuji denggan basaM sadari on;Ai pineakkon rujiruji, i do na dapot sai tongtong.O Jesus, na marholong roha ingkon hupuji goarMu,Dibaen saluhut denggan basa tu ahu pinasahatMi.

6.Antong, asi rohaM, dongani ma au tongtong tu jolo on;Pasahat ma au musengani tu surgo, dung tos hosangkon.Na olo do au mangihuthon, HataM, asal mangolu au;Naeng las rohangku pararathon baritaMi lam tu na dao.