Sai marlas ni roha hita

1.Sai tapuji Debatanta, ale hajolmaon!Ai naung hehe do Tuhanta sian hamatean i.Dipasidung Jesus i ulaonna sasude.Patupahon haluaon di saluhut hajolmaon.

2.Anggo utang ni dosangku digarar Jesus i;I do haporseaonku di na tinaonNa i.Nunga tulus patik i, nunga mintop rimas i;Di na hehe i Ibana, ro di au hangoluanna.

3.Ia ho banuatoru, nunga harhar talimi;Ai dung hehe na gumogo, loha do hurunganmi.Surgo i tarungkap do, dung ditaban Jesus ho,Gabe tu hangoluanna, diarahon do donganna.

4.Dohot ho, o hamatean, nunga mago soropmi,Suruhonku pe udean, ndang na tinggal au disi,"Anggo au mangolu do sai mangolu dohot ho!"Ninna Jesus tu rohangku molo ro hamateanku.

5.On tongtong do huhalashon; Nunga hehe Jesuski.Dohot ma hamu donganku angka na tinobus i,Sai tapuji Debata, sai tadok: Haleluya!Na mangolu do Tuhanta ala ni sai las rohanta.